Nhor Dês, alenu li contente, tudo djunto,
pa nu celebra nôs vocaçon di criston;
cada um di nôs Nhu tchomanu pa nôs nomi,
pa nu ser Santo na Igreja di Nhô,
pa nu trabadja na obra di salvaçon!
 
Tudo criston é tene si tarefa;
di ser sal fermento e luz;
pa faze um mundo sima Deus crê!
 
Ser sacerdote, profeta e rei;
é um dever di tudo baptizado;
qui é pedra  bibo di Igreja di Cristo!
 
Jesus flâ: nhôs pidi  cu sperança;
trabadjadoris pa obra di Nhor Dês,
sirbiço é tcheu, ‘sta falta operário!
 
-Anos é povo qui Deus crê tcheu,
por Jesus Cristo ê danu vida plena;
e Sprito Santo qui ta santificanu!
 
-Cada um di nós nu tem nôs vocaçon;
qui Deus danu di graça por amor,
nu discubril nu sirbi nôs armun!